楊正軍如常返亞視：希望幫公司繼續捱

亞視藝員楊正軍今日如常回亞視大埔總台開工，訪問時問到在公司欠薪的情況下士氣如何？他謂：「係聽到有啲怨言，話等緊出糧，有啲手緊咁樣。」

問到有關今日德勤會計事行探討亞視的事宜，正軍表示因開工而並不清楚，問他可會擔心？他笑謂：「唔怕嘅，我睇新聞佢哋有清盤王之稱，咁佢開記招都話會冇清盤打算，咁証明有希望嘅！每間公司都有自己難關，我絕對相信公司可以捱落去。（員工罷工影響工作？）有擔心過嘅，但竟然公司有難關，希望都幫公司繼續捱，就算搵唔到白武士，只要捱到呢關就無問題。」

蔡國威希望「白武士」快出現拯救亞視

亞視藝員蔡國威今日照常回到大埔總台錄影節目。訪問時亦透露自己工作量並沒因而減少，一切如常。提到昨日有傳節目《我要上ATV春晚》變動，威仔解釋謂：「聽聞會改形式，本來呢個節目係自己做，但就會換主持，如果再有變動就要等公司公布，（即係取消咗？）取消我個期啫，個節目係點我都唔知，因為可能唔係我做。」

而對於德勤會計師一事，威仔就話希望他們可以協助公司能夠解決難關：「希望可以盡快出現白武士去買咗嗰十點幾巴仙股份。」