葉家寶：亞視製作無影響

葉家寶、王家敏、徐丁、陳惠敏及魏秋樺昨午於土瓜灣出席畫展揭幕活動，昨日亞視承認未能於勞工法例的7天限期內出糧，亞視高層葉家寶昨日向受影響員工致歉，並強調亞視製作如常：「我哋快有亞洲先生決賽，仲有亞姐，證明亞視嘅製作係無影響嘅，只係無糧出啫。」

對於亞視仍未能出糧予亞洲員工，葉家寶昨日坦言要向所有受影響員工致歉：「亞視近年都是虧蝕，一直靠盛家及股東注資出糧，近日因為股東轉移現出現一些問題，現正尋求解決方法，希望能盡快出糧畀員工，在一星期內解決問題。現在亞視的運作一切如常，如亞生及亞姐等大製作陸續有來，證明亞視嘅製作係無影響嘅，只係無糧出啫。有一單喜訊，就係亞視盈利於今年1至8月也有18%增長，雖然離收支平衡仍有一段距離，希望將來能夠自己養自己。」至於會否擔心事件影響亞洲續牌，他認為現時要先解決薪酬問題，他坦言自己都未有糧出。

 對於有傳某集團將入股亞視，魏秋樺說：「路邊新聞係咁講，如果係真，將會係天大喜訊，佢旗下咁多藝人，到時一定生機勃勃。」而陳惠敏透露他經營的紅酒公司贊助是次畫展，談到民間發起的雨傘革命可有影響其生意，他表示未有特別影響。