亞視近年節目質素備受批評，又被追數清盤，不過佢哋成班藝人相處如同一家人，就算離開唔再係亞視，佢哋都會定時定候約埋一齊聚下舊。噚晚，鮑起靜、韓君婷、羅霖、繆非臨、張文慈、冬叔夏春秋、袁文傑、林祖輝、蔡國威、傅湛杰、楊玉梅、周美鳳、寶珮如，以及一眾幕後人員，簡直仲熱鬧過依家亞視台慶！
羅霖喺微博上載相片同留言：「A記同學大聚會，一年一次台前幕後曾經在亞洲電視台工作過的朋友們聚在一起，有接近三百人，非常熱鬧開心！」傅湛杰話：「Candy，昨晚真的很熱鬧呀！可惜你要提早離場，我們之後的氣氛更高漲喔！」周美鳯則留言：「笑到暈的A記同學會，全部是亞洲電視工作過的朋友們。」難得嘅係已經轉投大台嘅江美儀亦有出席，同一班老同事聚舊，至於蚊蚊萬綺雯同煒哥陳煒未知是否要開工，故未能出席喇。
楊玉梅亦寫貼咗好多張相，並寫道:「昨晚是一年一度A記同學會的眾會（亞視台前幕後的朋友）實在是萬眾期待，昨晚實在太多感動開心興奮歡呼的塲面每位也非常之珍惜見面的時刻，一班好念舊同重人情味的兄弟姊妹相聚真情流露，三百五十幾人真的不簡單，也不容易。更多謝最佳女配角江美儀同唏噓泰及一班朋友的安排辛苦晒！期待明年再見。」
沒有留言:
張貼留言