袁潔儀唔驚亞視清盤：我簽咗一年約
亞視藝人袁潔儀到亞視大埔總台，出席《第十一屆全球華語大學生影視獎頒獎典禮》，她宣布已簽約亞視：「我12、3年冇返亞視，已經同亞視簽約，會做婦女節目，老公都好支持我嘅決定。老公都有問我要往返廣州同香港，會唔會辛苦？使唔使喺深圳租間屋畀我？但我覺得冇所謂，我可以住媽咪屋企。」袁潔儀稱有留意亞視遭前任董事查懋聲及查懋德入稟申請清盤新聞，她說：「我唔擔心，亞視係祖國大業，一朝天子一朝臣，總知亞視有能力，會同查氏兄弟傾掂數，查生好易話為，可以解決到！我同亞視簽咗一年經理人約，冇信心都唔會簽啦！」
亞姐羅霖以大露背裝晒波罅性感現身大埔亞視總台，出席《第十一屆全球華語大學生影視獎頒獎典禮》。羅霖接受訪問時表示：「我哋啱啱喺大陸返嚟，呢件衫未試過，今晚要挺直條腰做人，我做足防走光措施啦！」近日參演電影的她，笑言想角逐新演員獎：「好榮幸可以拍戲，踏入影圈，如果有得角逐新演員獎就開心，但唔知我個年資會唔會唔合入圍資格？」
她又指大仔鍾情影視幕後工作：「雖然搵唔到錢，但我都好支持佢搞文化藝術。我傾緊年尾接新戲，未睇劇本，只係傾咗故事大綱，唔使性感演出，我想試不同挑戰，我呢輪忙搞美容生意，五月開張，係同朋友合資，我投資咗7位數字。」她又謂很久沒有回到亞視：「舊年返嚟做亞生評判之後冇返過嚟，好多人以為我同亞視有約，其實呢廿年都冇！」
對於亞視遭前任董事查懋聲及查懋德入稟申請清盤，她說：「我知，每單亞視新聞我都有關注，因為我出身亞視。」她又感慨說：「好多亞視舊同事都冇Job，香港人對亞視有感情，希望亞視做好啲，到時政府都會支持！」
亞視遭入稟申請清盤 葉家寶希望盡快解決
亞視執行董事葉家寶，現身亞視大埔總台《第十一屆全球華語大學生影視獎頒獎典禮》，對於亞視遭前任董事查懋聲及查懋德入稟申請清盤，他說：「唔係由我去傾，有同事聯絡緊（查氏兄弟），依家未知對方反應。法庭定咗6月25日係限期，希望盡快解決，希望查氏以大局為重。（如冇彎轉，係咪已經預備好3億去賠？）下周開董事會會傾，好多嘢都有解決辦法，最重要愛國家、愛香港、愛亞視！」
葉家寶望撤清盤令怕影響形象
葉家寶出席《全球華語大學生影視獎頒獎典禮》，他希望查生撤銷對亞視的清盤申請，有同事跟對方聯絡中，高等法院將於6月25日裁決，事件不可再拖，怕影響亞視形象，董事會將於下星期舉行會議商討解決辦法。
沒有留言:
張貼留言