黃麗梅義助長者派飯一年

前亞視飲食主持黃麗梅（May）受腰患困擾足足一年，曾經花十多萬元、尋遍各科名醫也無法治愈的她，深明健康勝一切，她在養病期間更想到，要在健康的時候幫助更有需要的人，因此她決定出錢出力，在深水埗及大圍向長者派飯，幫助區內的老人家。

May姐的腰患問題已有一年的時間，明白到健康比一切重要，也明白到社會上比她更痛苦的人多的是，所以希望趁自己「行得走得」的時候去幫助有需要的 人，她說：「之前整親條腰骨，想做番啲嘢，就諗到派飯盒畀長者，咁又有善長支持，出咗五位數畀我哋，夾埋我哋共三家人出錢咪成事囉！」

落街市揀料

據知May姐近日忙於籌備派飯的細節，一方面要落街市搵平價食材、另一方面又同酒樓洽商，目前暫定於本周六、日分別在大圍 及深水埗的酒樓門口各派100個飯盒給予65歲或以上的長者，自己到時亦會親自落區幫忙，雖然目前未有義工加入，但May稱陸續有朋友願意加入協助，如果 反應熱烈，更希望將來每日都派飯。

唔係為出名

至於自己投放多少金額，May姐卻不願透露，只稱善舉才剛開始，且是個長遠的計劃，並謂：「大家冇諗錢，睇吓喺酒家派有冇 阻住人，一個飯盒都係20蚊啫，100個都係閒錢。淨係善長捐出嗰筆錢都夠派10,000個，依家打算至少派一年，希望之後禮拜一至日都可以派。我唔係為 出名，係真係有心做，希望每個長者都有飯食。」May姐更呼籲各區酒樓能加入此行動。