亞視賣盤？　林建明：應該加人工啦！

資深藝人林建明（大姐明）到亞視總台錄影節目《我愛下午茶》，接受袁潔儀及林睿訪問，席間大姐明透露由她組織、幫助情緒病患者的《心晴行動》將舉行海濱長廊慈善跑，適合一家大細齊齊參與，並呼籲亞視的新朋舊友參加，潔儀亦表示會與姪仔姪女齊齊跑。

問到潔儀是否曾有情緒低落的時期？她說：「每個人都有啦！我都有跑開步，十四、十五年前，有日跑緊步聽到亞視電話，話滿約就唔續，我一路跑一路諗，人一定要行落去，之後發覺好多人都有相同處境，其實自己唔係咁慘。」提到亞視再傳賣盤，潔儀表示不知真偽，但相信不會影響其現有工作：「如果係真，應該係好嘅多，更多資源，可以開更多節目，如果唔係真，我都會繼續努力依家嘅工作。」大姐明亦相信是好事：「新朝氣、新創意，應該係好事，加人工啦！」

亞視成功賣盤？冼偉智：只係花邊新聞

亞視助理副總裁冼偉智出席節目錄影，對於有傳亞視已成功賣盤一事，冼偉智表示公司回應是「未聞此事」，並說：「好多人都有問，但我真係冇聽過！其實個消息都講到好玄，傳聞始終係傳聞，一個電視台由低潮上返軌道，唔排除有人講一啲對你唔好嘅嘢，全亞視嘅人都係以平常心對待，唔會當作一回事，只係花邊新聞。（覺得會係攻擊？）會架！我哋喺任何資源下，同事都會發揮到最好。」

他表示亞視士氣高昂，繼續有節目推出，包括《亞洲先生》及《感動香港》，亦會幫樂隊出唱片，以及籌備開拍一百集劇集。

傳亞視賣盤成功？助理副總裁否認：未聞此事

林建明（大姐明）昨日到大埔亞視總台接受袁潔儀及林睿主持的《我愛下午茶》節目訪問，身為「心晴行動」發起人的大姐明，在節目中又跟大家分享情緒病問題。

大姐明又表示「心晴行動」於11月舉行慈善跑，適合一家大細參與。袁潔儀表示屆時會身體力行支持，並會叫埋侄仔侄女一齊去。問到袁潔儀有否試過情緒有低落時候？她說：「14、15年前有次跑步，突然收到亞視電話，話約滿後唔同我續約，之後繼續跑步，心諗唔緊要啦，唔同我續約只係佢蝕底，人總要向前行，發覺跑步可以幫助到唔開心情緒。」

對於無前主播李燦榮於facebook指亞視已賣盤，並暗示買家名字有「木」字？袁潔儀聽後即說：「係就好了，但不知係唔係真，不過如果係真都影響唔到我工作，如果有更多資源資金都好，可再做節目。」林建明亦說：「如果係真都係正面的，可更有朝氣、新創意及新諗頭，應該是好事，如果真就要加人工啦。」

至於亞洲電視助理副總裁冼偉智就回應：「公司已就呢件事回應，就係未聞此事，對方（指李）也有於fb指其實未經證實，只是揣測，我們不會看作一回事，只當花邊新聞去睇，傳聞只是傳聞，亞視稍後有很多製作，大家士氣亦很好。」